Разговорот на рускиот претседател Владимир Путин со специјалниот претставник на САД, Стив Виткоф, и зетот на американскиот претседател Доналд Трамп, Џаред Кушнер, заврши во Кремљ по повеќе од пет часа.
Заедно со Путин, во руската делегација се и двајца негови советници, Кирил Дмитриев и Јуриј Ушаков.
По средбата, Дмитриев се огласи на социјалната мрежа X, каде што објави фотографија од средбата и „стикер“ од гулаб со маслиново гранче, што симболизира мир.
„Продуктивно“, напиша тој.
Productive 🕊️ pic.twitter.com/YlkqF0b7tr
— Kirill Dmitriev (@kadmitriev) December 2, 2025
По него следеше и Јуриј Ушаков.
„Разговорот беше многу корисен, конструктивен и многу информативен“, им рече Ушаков на новинарите.
Потоа откри што Путин му пренел на Трамп преку Виткоф.
„За возврат, нашиот претседател ги замоли своите партнери да му пренесат пријателски поздрави на Трамп, а тој, се разбира, им пренел не само пријателски поздрави, туку и ги замоли да пренесат цела низа важни политички сигнали што неговите соговорници ги забележале“, им рече Ушаков на новинарите.
По состанокот, Виткоф се упати кон зградата на американската амбасада во Москва.
