Првата рунда разговори меѓу украинскиот претседател Володимир Зеленски и американските претставници Стив Виткоф и Џаред Кушнер заврши во недела навечер во канцеларијата на федералниот канцелар Фридрих Мерц во Берлин.
Советникот на украинскиот претседател Зеленски, Дмитро Литвин, објави дека петчасовните разговори во недела ќе продолжат во понеделник.
Германскиот канцелар Фридрих Мерц рече дека сака „траен мир во Украина“ и дека сите „се соочуваат со тешки прашања, но се решени да продолжат напред“. Мерц претходно посочи дека пристапите за завршување на војната во Украина „конечно“ ќе бидат дискутирани во Берлин во текот на викендот.
Макрон, францускиот претседател, истакна дека Франција ќе продолжи да ја подржува Украина за да се постигне траен мир. Ова било и главната тема на телефонскиот разговор помеѓу Макрон и Зеленски.
„Франција застана и ќе продолжи да стои покрај Украина со цел да се изгради цврст и траен мир способен да ја гарантира безбедноста и суверенитетот на Украина и Европа на долг рок. Им се заблагодарувам на сите преговарачи – украински, европски и американски – кои работат кон оваа цел“, напиша Макрон на платформата „X“.
Францускиот претседател рече дека штотуку разговарал со претседателот Зеленски.
„Американците, Европејците и Украинците бараат мир. Додека Русија ја продолжува својата агресивна војна, Украина останува силна“, додаде тој.
Москва, преку својот портпарол Дмитриј Песков, порача дека кога станува збор за украинските мировни преговори, владата на Кремљ е повеќе фокусирана на ставот на САД отколку на ставот на ЕУ.
„Европејците ја играат својата игра и се чини дека сè уште сакаат војната да продолжи“, рече Песков во телевизиско интервју со новинарот Павел Зарубин.
ИЗДВОЕНИ
Екс правобранителот уапсен за поткуп, барал 100.000 фатен со 50.000 евра
ИСКРИЧЕЊЕТО МЕЃУ ВМРО-ДПМНЕ И ЗНАМ ОТКРИ ДО КАДЕ СМЕ СО РЕФОРМСКИТЕ ЗАКОНИ: Владината процедура заглави најмалку 14 закони
ПРЕПУКУВАЊАТА ОКОЛУ МИГРАНТИТЕ НЕ ЗАПИРААТ: Мицкоски бара Обвинителството да се позанимава со СДСМ поради ширење паника и страв
ДВИЖЕЊЕТО ЗНАМ ГО ОДБЕЛЕЖА ВТОРИОТ РОДЕНДЕН – Димитриевски: Станавме фактор на стабилност кој не дозволува уцени во владеењето
