Според медиумските извештаи, Заедничкиот центар за поморски информации посочи кога САД ќе започнат со спроведување на поморска блокада на Иран.
Американската војска ќе започне со спроведување на поморска блокада на Иран во вторник, соопшти Заедничкиот центар за поморски информации, со кој раководи Морнарицата на САД.
Трамп: Со Моџтаба Хамнеи е свршено; тој е 90 проценти готов
Иранскиот ајатолах Моџтаба Хамнеи – син на покојниот ајатолах Али Хамнеи – е „90 проценти готов“ (завршена приказна), изјави американскиот претседател Доналд Трамп, додавајќи дека се убиени високи ирански воени команданти.
„Со Хамнеи е свршено; неговиот син е 90 проценти готов“, рече Трамп, истакнувајќи дека иранските лидери се убиени, а воената инфраструктура на Исламската Република е уништена.
Моџтаба Хамнеи не се појавил во јавноста од нападите на САД и Израел врз Иран на 28 февруари; откако ја презеде лидерската улога во Иран, тој комуницирал само индиректно, преку изјави.
По смртта на Али Хамнеи во воздушните напади на САД и Израел претходно оваа година, маж со црна маска за лице и црна бејзбол капа бил виден во првиот ред за време на погребните молитви.
Неговото појавување предизвика шпекулации дека станува збор за Моџтаба; сепак, според „Иран Интернешнл“, човекот бил Мохамед Џавад Хамнеи, најстариот внук на Али Хамнеи.
Според тој извештај, Мохамед Џавад е син на Мостафа Хамнеи, најстариот син на Али Хамнеи.
Се наведува дека тој претрпел тешки изгореници на лицето и други сериозни повреди за време на нападите на САД и Израел на 28 февруари, во кои беше убиен иранскиот лидер.
„Иран Интернешнл“ наведува дека токму поради овие повреди Мохамед Џавад носел црна маска за лице за време на погребот.
