Познатата пејачка и инфлуенсерка Ана Барбара Бур Булдрини (31) од Мозамбик почина неколку часа по неуспешна естетска операција во Турција.
Според списанието „Туркие Тудеј“, пејачката отпатувала во Истанбул со својот сопруг, познатиот мозамбиски уметник Елгар Суеј, за да се подложи на зголемување на градите, липосукција и операција на носот. Болницата имала комерцијален договор со неа, според кој пејачката ги добивала процедурите бесплатно во замена за промоција на клиниката. Но, неколку часа по процедурата во болницата Туса во Истанбул, таа доживеала срцев удар и трагично починала.
Нејзиниот сопруг, кој се ожени со 31-годишната пред само еден месец, рекол дека сонот на Ана Барбара е да „ги подобри своите естетски стандарди“, објави весникот.
По процедурата, медицинскиот персонал го информирал дека срцето на неговата сопруга забавило. Во емотивен опис на она што се случило потоа, тој рекол: „Ја изгубив контролата. Плачев, врескав и удирав по ѕидовите. Ја видов во мртовечницата. Изгледаше убаво, но беше мртва“.
Тој рече дека неговата сопруга била оперирана порано од закажаното, само неколку дена по првичните консултации и без никаква итна медицинска индикација. Тој исто така рече дека 31-годишната жена не била правилно подготвена за операцијата.
- Операцијата барала време, но била оперирана по јадење, нагласи Суеј.
Според весникот „Туркие Тудеј“, болницата претходно се соочила со истрага за други смртни случаи поврзани со операциите и неодамна го променила своето име. Се вели дека издала писмено соопштение во кое ја наведува својата верзија на настаните.
