ПОЖАРНИКАР ПОДМЕТНУВАЛ ПОЖАРИ: Неверојатна е причината зошто го сторил тоа

Австриската полиција обвини 28-годишен пожарникар од Бургенланд за намерно предизвикување на неколку пожари во округот Оберпулендорф во јули и август. Она што е особено неверојатно е што откако ги запалил пожарите, тој учествувал во нивното гаснење, а во два случаи дури и лично ги повикал службите за итни случаи.

Случајот предизвикал загриженост кај неговите колеги, особено затоа што источна Австрија доживува екстремна суша ова лето, што значи дека дури и најмалата искра е доволна за брзо ширење на пожарот.

28-годишникот е осомничен за предизвикување на најмалку три пожари на суви насипи и ливади.

Првиот случај е регистриран во средината на јули, кога насип се запалил во близина на ловџиска куќа на селски пат. Во вториот случај, маж наводно ја запалил хартијата што се користела за завиткување сендвич во неговиот автомобил и ја фрлил низ прозорецот. Запалената хартија паднала на сува трева по патот Б50, предизвикувајќи пожар.

Слично сценарио се повторило во август, недалеку од местото на првиот пожар, кога поворно го запалил исушениот насип. За време на истрагата, истражителите пронајдоа 28-годишен пожарникар, кој за време на испрашувањето призна дека подметнал три пожари.

Она што особено ги изненади неговите колеги беше фактот дека по палењето на пожарите, тој редовно учествувал во интервенциите.

„Тој секогаш бил целосно ангажиран и се борел со пламенот“, според официјалниот извештај објавен од австриските медиуми.

Во сите три случаи, тој учествувал во гаснењето на пожарите што, според сопствено признание, претходно самиот ги подметнал. Двапати, тој отишол чекор понатаму и лично ги известил службите за итни случаи откако ги подметнал пожарите.

За време на испрашувањето, 28-годишникот наводно им рекол на истражителите дека не сакал да предизвика пожари од поголеми размери или да доведе некого во опасност. Тој изјавил дека бара возбуда и дека ужива во гаснењето пожари и во вршењето должност, пишува „Кронен цајтунг“.

За среќа, сите три пожари брзо биле ставени под контрола. Според властите, во ниту еден момент не биле загрозени луѓе или згради, никој не бил повреден и не е пријавена материјална штета.

Сепак, со оглед на екстремната суша што преовладува во источна Австрија во последните недели, неговите постапки можеа да имаат многу посериозни последици. Пожарникарот е пријавен како осомничен за подметнување пожар и сега се соочува со законски последици.