Потоп во Истанбул: Двајца загинати во разорните поплави, поројот носеше автомобили, откажана е наставата/ВИДЕО

Обилните дождови предизвикаа големи поплави во Истанбул, при што животот го загуби 14-годишно момче откако го удри струја во поплавената вода, додека 34-годишно лице го загубило животот откако паднало во надојдената вода и не успеало самостојно да се извлече.

Во градот со околу 16 милиони жители се забележани повеќе од 1200 поплавени места, 15 свлечишта и десетици случаи во кои луѓе останале заглавени поради надојдената вода.

Момчето настрадало откако стапнало во длабока вода во паркот Чукурбостан, во истанбулската населба Балал, која се наоѓа во округот Фатих. Според информациите од канцеларијата на гувернерот на Истанбул, момчето без свест било пренесено во болница, но починало покрај напорите на лекарите да му го спасат животот, јавува Klix.ba. Надлежните органи покренаа истрага за овој случај. Втората жртва е 34-годишно лице, кое загинало во населбата Ајазага, во општината Саријер.

Обилните дождови предизвикаа хаос низ целиот град, а итните служби примија вкупно 2518 пријави поврзани со временските непогоди. Забележани се 1277 поплави, 15 свлечишта и 47 случаи во кои луѓе останале заглавени поради водата. Пријавени се и 13 урнати стебла, како и два оштетени покрива.

Според достапните податоци, невремето погоди 808 станбени објекти, 280 деловни простории и 76 возила.

Медиумите известија за поплавени куќи, продавници, патишта и подвозници, додека бројни возила останаа заробени во водата. Во еден дел од градот минувачи спасија жена која е наречена од буицата низ улица, а пожарникари извлекоа лице заглавено во поплавен подрум.

Снимки од една од истанбулските населби прикажуваат и автомобили кои водата ги поместувала од паркиралиштата.

Најобилните врнежи се забележани на подрачјето на Омерли, во округот Бејкоз, на азиската страна на Истанбул. Таму се измерени 193,84 литри врнежи по квадратен метар. Во Арнавуткјој се забележани 125,9 литри по квадратен метар, додека на подрачјето на ИТУ Маслак во округот Саријер се измерени 124,72 литри. Во Чаталџа паднаа 75,2 литри по квадратен метар, во Картал 14,3, а во Бакиркјој 6,8 литри.

Поради сериозноста на ситуацијата, воспоставен е кризен координативен центар при регионалната управа на турската Агенција за управување со катастрофи и вонредни состојби (AFAD).

На терен се ангажирани околу 8000 припадници на различни служби, со поддршка од 2000 возила и градежни машини. Во интервенциите учествуваа тимовите на AFAD, градската управа на Истанбул и општинските служби.

Поради опасните временски услови, властите одлучија да ја прекинат наставата во училиштата низ Истанбул во четврток. Исто така, забранет е сообраќајот за мотоцикли поради опасностите на патиштата.

Гувернерот на Истанбул, Давут Ѓул, ги повика жителите на посебен претпазливост, особено на азиската страна на градот, и им препорача да останат дома освен ако патувањето не е неопходно.

Вработените во јавниот сектор со инвалидитет, како и мајките со мали деца, се ослободени од работните обврски. Исклучок се вработените во социјалните служби кои работат во установа за сместување на деца, стари лица и лица со инвалидитет, со цел да се обезбеди непрчено пружање грижа и поддршка на корисниците.

На граѓаните кои живеат во приземни станови или подрумски простории им беше препорачано ноќта да ја поминат на безбедни локации.

Невремето предизвика и големи сообраќајни метежи, особено за време на вечерниот сообраќаен шпиц, кога граѓаните се враќаа од работа. Според извештаите, сообраќајната оптовареност во одредени моменти достигна околу 90 отсто.

Јавниот превоз беше изразито оптоварен бидејќи бројни граѓани се откажаа од користењето на автомобили.

И покрај големите проблеми на патиштата, од канцеларијата на гувернерот соопштија дека поради дождот ниту еден пат не останал целосно затворен. Аеродромите работеа нормално, а откажувања на летови не беа забележани.

Надлежните служби продолжуваат да ја следат состојбата и да спроведуваат активности за санирање на последиците од невремето.