Ограничениот полициски час, воведен во Париз по насилните протести минатиот викенд, ќе продолжи и може да остане на сила онолку долго колку што ќе биде потребно, соопшти париската полиција во вторникот на платформата X.
Полицискиот час трае од 23:00 до 06:00 часот по локално време и првенствено се однесува на париските квартови „Републик“ и „Ле Ал“.
Мерки на сила во Лион и Марсеј
Истата мерка ќе важи од 21:00 часот во центарот на Лион – третиот по големина град во Франција, кој се наоѓа на истокот од земјата – додека во Марсеј, вториот по големина град кој се наоѓа на југот, полицискиот час ќе важи за малолетници со почеток од 22:00 часот.
Полицискиот час стапи на сила во понеделникот навечер во одредени делови на Париз и Лион, а важи и за малолетници во Бордо (на југозапад), Лил (на север) и Ница (на југоисток).
ИЗДВОЕНИ
Обновен е релјефот на мајката со трите деца на споменикот на децата бегалци од Егејска Македонија
Инјекција во здравството – 100 нови возила за побрза Брза помош
Обвинителство: Не губиме контрола врз предметот Лотарија, се истражува зошто првиот сведок ја „сврте“ изјавата
За автопатите, годинава се обезбедени 243 милиони евра, дел се заем од домашните банки
