Подобрување на туристичкото искуство преку унапредување на инфраструктурата околу Беровското Езеро, вклучително и реконструкција на оф-роуд велосипедската патека во должина од 22 километри, како и изградба на современо одмориште за велосипедисти – „Велохаб“ се дел од активностите во рамките на проектот „Нискојаглеродна инфинити патека“. Проектот се реализира во рамките на првиот повик од ИПА III програмата за прекугранична соработка „Interreg (VI-A)“ со Бугарија, во рамките на приоритетот 3 „Интегриран развој на пограничен регион“.
Увид во реализацијата на овој проект при денешната посета на Берово изврши министерот за локална самоуправа, Златко Перински, заедно со градоначалникот Петар Ружински и со членовите на Советот на Општина Берово.
– Туризмот е сектор од големо значење, кој го зајакнуваме преку целосно искористување на фондовите од ИПА-прекуграничната соработка – истакна Перински.
Вкупната вредност на проектот за Берово е 117.736 евра.
ИЗДВОЕНИ
Уставниот суд не поведе постапка за оспорените измени на пензискиот закон, надворешните пензионери оставајќи ги без покачување
Груби под стража, соседството со потсмев: „внимавајте, има обезбедување“!
„Пластика паѓаше врз нас, имаше врескање и силен мирис што тераше на спиење“
Една третина од работниците ни се сиромашни, а имаме поголема куповна моќ од Чешка, Литванија, Турција…
