Поранешниот петти тенисер во светот, а сега член на стручниот штаб на чилеанската репрезентација за Дејвис купот, Фернандо Гонзалез, зборуваше за претстојниот плејоф натпревар помеѓу Чиле и Србија.
На прашањето од домашните новинари дали се надева дека Новак Ѓоковиќ ќе дојде на овој натпревар, „Ел Бомбардеро“ имаше измешани емоции.
„Мислам дека од спортска гледна точка е подобро за нашата земја ако тој не дојде, бидејќи се надевам дека ќе одиме во следната фаза. Исто така, мислам дека тоа е важен настан на кој може да ужива целата чилеанска публика. Тој е најдобриот играч во историјата, оној кој освои најмногу гренд слем титули, сè уште е активен додека другите двајца, Роже Федерер и Рафа Надал, се пензионирани, па секако ако дојде, би било сон за сите Чилеанци да го видат“, рече Гонзалез.
Квалификацискиот дуел во Дејвис купот е закажан за 6-8 февруари 2026 година во Чиле.
