По повеќе од 24-часовни преговори: „Големиот, прекрасен закон“ на Трамп изгласан со тесно мнозинство

Сенатот на САД штотуку го усвои законот за даноци и владини трошоци на претседателот на САД Доналд Трамп, по повеќе од 24 часа преговори.

Гласањето заврши со 50-50, а потпретседателот Џ.Д. Венс кој беше присутен во просторијата го даде одлучувачкиот глас. Републиканците Том Тилис, Ранд Пол и Сузан Колинс гласаа против законот, заедно со сите демократи.

Предлог-законот, кој ги донесува многу од клучните политички цели на Трамп, а воедно го зголемува националниот долг за 3,3 трилиони долари, сега се враќа во Претставничкиот дом за конечно одобрување.

Трамп претходно навести дека можеби ќе биде флексибилен во врска со рокот од 4 јули, до кога сака законодавството да стигне до неговата маса.