Нестабилно време вечерва го зафати Скопје, со пороен дожд, засилен ветер и грмежи. Врнежите на повеќе места се поинтензивни, а временските услови повремено се проследени и со силни удари на ветер и грмотевици.
Дождот доаѓа по долг период на сушно и топло време, поради што е добредојден, особено за земјоделските површини и зеленилото. Врнежите ќе придонесат и за освежување на воздухот и намалување на високите температури.
Граѓаните се советуваат на внимателно движење во сообраќајот поради влажните коловози и намалената видливост.
Според прогнозата, нестабилното време ќе продолжи и утре. Претпладне ќе биде сончево и топло со мала до умерена локална облачност, додека во попладневните часови ќе има појава на нестабилност проследена со засилен ветер, пороен дожд и грмежи.
Локално процесите повторно ќе бидат поинтензивни и ќе има услови за невреме со силен ветер, пороен дожд, грмежи и појава на град. Ќе дува умерен, повремено засилен ветер од северен правец.
До почетокот на следната седмица се очекува претежно сончево и топло време со мала до умерена локална облачност. Во петок ќе дува засилен до силен ветер, претежно од северен правец.
ИЗДВОЕНИ
Таткото е на меѓународна потерница, а ќерката бара да замине во Бугарија на лекување
Газдите штедат на придонеси, знаењето станува „непотребен“ луксуз
Одбраната се фати за бојата на сунѓерот, сведоците ги потсетија на цијанидот и кога се користел во историјата
Ја врзал за дрво и ја тепал со тврд предмет
