Пилотот на „Флајдубаи“ ја опиша драмата во воздух на летот кон Тел Авив/ВИДЕО

Само еден ден откако помогна да се спречи потенцијален терористички напад, пилотот му ја опиша борбата за контрола врз авионот на индискиот премиер Нарендра Моди, додека лежеше во болничкиот кревет. Капетанот Смит Мачар изјави дека, иако бил повреден и нападнат, сфатил оти мора да стори сè што е во негова моќ за да спречи трагедија.

Во видео-повик со Моди, објавен на платформата X, тој раскажа како лежел на подот по нападот кога сфатил дека авионот губи висина и дека мора да се обиде да ја отвори вратата одвнатре.

„Лежев на подот, повреден, но си реков дека морам уште еднаш да се обидам да ја отворам вратата одвнатре“, му рече капетанот на индискиот премиер, пренесе Би-би-си.

#WATCH | PM Modi speaks with Flydubai Captain Smit Machchhar through a video call and praises his courage, presence of mind and composure in how he saved many lives

The PM says to Captain Smit, "The whole country is praying for you. Maha Mrityunjay Jaap is being done for you and… pic.twitter.com/TCj3NDqASp

— ANI (@ANI) October 2, 2026

Други патници и членови на екипажот притрчаа на помош, помагајќи да се совлада напаѓачот. „Секако, се борев за сопствениот живот, но истовремено знаев дека нема да дозволам другите да загинат“, рече Мачар.

Инцидентот се случи за време на лет на компанијата „Флајдубаи“ од Дубаи кон Тел Авив. Околу два часа по полетувањето, копилотот го нападна и го избоде Мачар. За време на борбата, авионот почна неконтролирано да понира, губејќи во еден момент повеќе од 17.000 стапки – или приближно 5.200 метри – од својата висина. Патниците и екипажот успеаја да го совладаат напаѓачот и да ја вратат контролата врз авионот, кој потоа безбедно слета. По слетувањето, Мачар беше пренесен во болница во Табук, во северозападна Саудиска Арабија. Подоцна беше префрлен со авион во Абу Даби, каде што, според информациите, закрепнува.

Самиот Мачар вели дека не сака да ја гледа повредата само како рана.

„Не ја гледам оваа повреда како рана, бидејќи тоа би го отежнало моето закрепнување“, рече тој. „Ја гледам како бавно патување што бара време, но уверен сум дека ќе закрепнам и повторно ќе бидам здрав и способен.“ За време на разговорот, Моди му рече дека неговата храброст, трпеливост и брзото носење одлуки спасиле многубројни животи и дека цела Индија се гордее со него.

Израелскиот премиер Бенјамин Нетанјаху претходно исто така го опиша капетанот како „вистински херој“.