Пијани возеле луксузни “јагуар“, “ровер“…шампион шптипјанец со 3.07 промили

Приведени се возачи од Штип, Крива Паланка и Богданци кои управувале возила под дејство на алкохол. Возачот од Крива Паланка предизвикал и сообраќајна несреќа.

Како што информираат од МВР, за празникот Пресвета Богородица, на обиколница Богданци, полициски службеници од СВР Струмица – ОВР Гевгелија го лишиле од слобода Т.П.(70) од Богданци. При контрола на патниот сообраќај, полициските службеници сопреле патничко возило „мазда“ со гевгелиски регистарски ознаки и по преземените мерки било утврдено дека Т.П. го управувал возилото под дејство на алкохол, односно дека имал 2.35 промили алкохол во крвта.

Во друг случај, исто така, во Штип, полициски службеници го лишиле од слобода Н.И.(38) од Штип. При контрола во патниот сообраќај, полициските службеници сопреле патничко возило „ровер“ со штипски регистарски ознаки, кое го управувал Н.И. и по преземени мерки било констатирано дека бил под дејство на алкохол, односно дека имал 3,07 промили алкохол во крвта.

Во Крива Паланка, полициски службеници го лишиле од слобода М.К.(24) од Крива Паланка. При увид на сообраќајна несреќа, во која тој учествувал со патничко возило „јагуар“ со кривопаланечки регистарски ознаки, полициските службеници констатирале дека М.К. има 1,64 промили алкохол во крвта.

Лицата се лишени од слобода и по целосно документирање на настаните, против нив ќе бидат поднесени кривични пријави за сторени кривични дела „безобѕирно управување со моторно возило“ по член 297-а од Кривичниот законик.