Цените на нафтата вчера паднаа на меѓународните пазари кон 96 долари, бидејќи медиумските извештаи предизвикаа шпекулации за отворањето на Ормускиот теснец.
На лондонскиот пазар, барелот се тргуваше по цена од 3,42 долари пониска во попладневните часови од претходното затворање од 96,16 долари. На американскиот пазар, беше за 3,74 долари поевтино и изнесуваше 90,15 долари.
Пазарите се на штрек од почетокот на неделата, обидувајќи се да ги прочитаат пораките и потезите на Вашингтон и Техеран во шансите за отворање на Ормускиот теснец.
На самиот почеток на неделата, трговците проценуваа дека САД и Иран наскоро би можеле да ја комплетираат рамката за мировен договор и да го подготват теренот за отворање на Ормускиот теснец, но во вторникот ги „приземји“ нов напад на САД врз Иран.
Американската војска во понеделник вечерта објави дека повторно нападнала ирански поморски бродови во Персискиот Залив и ракетни инсталации во јужен Иран, велејќи дека нападот бил „за да се заштитат нашите војници од заканите што ги претставуваат иранските сили“.
Техеран, сепак, рече дека новиот бран напади е кршење на прекинот на огнот, а иранската војска изјави дека го задржува правото да одговори.
Поради празник во муслиманскиот свет, Организацијата на земјите извознички на нафта (ОПЕК) не ја објави цената на барел од кошничката сурова нафта на своите членки во вторник. На почетокот на неделата, таа беше 107,37 долари, што е намалување за 5 долари од петокот.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Силна верба
ЕКСКЛУЗИВНО ЗА ВЕСНИКОТ ВЕЧЕР: Врвот на „Синохидро“ со гаранција – идната година ќе се вози по автопатот Кичево – Охрид
Петровден е и денот на традиционалната културна манифестација Галичка свадба – живо сведоштво за дел од нашето културно наследство
Најголемиот маратон сега го пливам надвор од водата!
