Понеделникот донесе голема паника во цела Аргентина, а главната причина е секако кој друг ако не големиот Лионел Меси.
Имено, Меси беше дел од натпреварот против Филаделфија, но најголемата ѕвезда во дресот на Интер Мајами мораше поради повреда да го напушти зелениот терен во 73-тата минута.
Прво, Меси се фати за задниот дел од левата нога, а потоа побара да биде заменет и отиде директно во соблекувалната.
Нешто порано, околу 70-тата минута, Меси имаше добар пробив, но одеднаш застана.
Потоа реши да оди на клупата на својот тим и да поразговара со тренерскиот штаб на Интер Мајами.
Недолго потоа, Аргентинецот излезе од играта, а интересно е што резултатот тогаш беше 4:4.
На сите им е јасно дека Меси никогаш немаше да го напушти теренот ако не беше нешто што го почувствува во ногата.
Тренерот на Интер Мајами, Хојос, беше прашан за тоа што се случи со Меси веднаш по натпреварот.
Сепак, тој накратко рече дека не разговарал со него по натпреварот и дека сè уште чека официјален одговор од неговиот медицински тим дали станува збор за повреда.
Сите очекуваат Меси да се придружи на подготовките на Аргентина за Светското првенство, но сите чекаат информации за можната повреда.
Нема дилема дека цела Аргентина е во паника поради тоа што се случи и никој нема да спие мирно додека Меси или Интер Мајами не дадат официјално соопштение.
Оваа сезона, Меси постигна 12 гола на 14 натпревари и додаде седум асистенции.
Уште во март, Меси рече дека сака да игра на Светското првенство, но дека ќе донесе одлука за тоа пред турнирот, кога ќе ја види состојбата на неговото тело.
Кога станува збор за подготовките на Аргентина, популарните „гаучоси’ ќе одиграат два пријателски натпревари пред стартот на СП 2026, а во групната фаза, бранителот на тронот ќе игра против Јордан, Австрија и Алжир.
