Оркестриран чин на саботажа? Полска истражува пожар во фабрика за одбранбена опрема – се сомнева на вмешаност на странски служби/ВИДЕО

Полските обвинители го истражуваат пожарот во фабрика за производство на компоненти за беспилотни летала како можен чин на саботажа оркестриран од странски разузнавачки служби. Пожарот избувна рано утринава во објект на „WB Electronics“, еден од најголемите полски приватни производители на одбранбена опрема. Компанијата произведува извидувачки беспилотни летала и таканаречена „муниција што лебди“ (loitering munitions) – како што се моделите „FlyEye“ и „Warmate“ – кои украинската војска ги користи за одбрана од руската агресија, пренесува „Политико“.

Пожарот брзо ставен под контрола
Обвинителите потврдија дека го истражуваат инцидентот како терористички чин што вклучува намерно подметнување пожар во објектот во Скаржиско-Камјена, во југоисточна Полска. Пожарот започнал кратко по полноќ. Бил изгаснат во рок од два часа, првенствено благодарение на брзата реакција на еден вработен и интервенцијата на пожарникарите. Од „WB Electronics“ соопштија дека нема повредени и дека штетата е ограничена на мал помошен објект.

Истрага за странска вмешаност
Обвинителите од Државното обвинителство во Краков се сомневаат дека нападот бил извршен со поставување на уред со запаливи материи во внатрешноста на фабриката. Истрагата е насочена и кон можната вмешаност на странски разузнавачки служби во активности насочени против Полска. Лицето осомничено за предизвикување на пожарот сè уште не е уапсено.

A major fire at a Polish drone factory is being investigated for possible links to foreign intelligence. The incident comes as Poland faces a growing wave of hybrid attacks, with experts warning that Russia could further escalate sabotage operations across Europe. TVP World’s… pic.twitter.com/IQ3zRUlvb9

— TVP World (@TVPWorld_com) August 31, 2026