Новиот началник на париската полиција, Патрис Форе, изјави дека остро се спротивставува на отворањето полициска станица во музејот Лувр, што го побара претседателот на музејот, Лоренс де Кар, по неодамнешната кражба на накит.
Форе изјави за време на состанокот на Комитетот за култура на францускиот Сенат дека одобрувањето на барањето ќе создаде преседан и ќе отвори можност и други јавни институции да го побараат истото, објави денес „Ле Фигаро“.
„Доколку го направиме тоа за Лувр, сите ќе бараат полициска станица“, рече Форе, додавајќи дека сака да ги фокусира напорите на зајакнување на безбедноста околу музејот, а не во него.
