Во Белград е инсталиран нов систем од 30 сообраќајни камери, кои ќе ги евидентираат сообраќајните прекршоци, како што се користење мобилен телефон при возење и пребрзо возење.
Според РТС, камерите се наоѓаат на прометни патишта, раскрсници, како и на приодите кон Белград, како и во Нов Белград, Ледине, Бежанијска коса, Земун, Алтина, Батајница, Рушањ, Винча, Борча и на прометни градски булевари и улици.
Овој систем може истовремено да регистрира неколку различни сообраќајни прекршоци, од надминување на моменталната брзина, просечна брзина помеѓу две точки, некористење на сигурносен појас, користење мобилен телефон при возење, возење во жолта лента, непрописно престигнување, престигнување на колона преку непрекината линија, возење нерегистрирано возило и поминување на црвено светло.
Сите податоци се препраќаат во реално време до центарот на МУП, а прекршочните казни се доставуваат на домашна адреса или преку порталот за е-Администрација. Досега во Белград просечно се регистрираат по 120 прекршоци дневно.
Од сообраќајната полиција апелираат возачите да ги почитуваат прописите за зачувување на општата безбедност во сообраќајот.
ИЗДВОЕНИ
Меѓу најуспешните рудари, признание и за ВЕЧЕР за унапредувањето на рударството!
Не чекала некој да ѝ каже дека може, седнала зад воланот и докажала
АЛАРМАНТНИ РЕЗУЛТАТИ ОД ИСТРАЖУВАЊЕТО „Дисраптинг харм“: До 12.000 деца во Македонија годишно изложени на сексуална злоупотреба преку интернет
БАЛКАНОТ ЗАВИЕН ВО ДИМ! Дождот не помага, ветерот ја шири огнената стихија во четири земји!
