Бенџамин Менди е една од фудбалските ѕвезди што се обвинети за силување. Тој беше обвинет за силување од дури седум жени, помина неколку месеци во затвор, загуби сè што имаше, беше отпуштен од Сити, а на крајот судот одлучи дека не е виновен. Животот беше пекол за него во тој момент, знаеше дека не е виновен и лежеше зад решетки.
– Животот беше тежок, многу тежок. Никој не ми веруваше, мојот живот беше уништен прекуноќ. Моето семејство не дојде, моите пријатели не се јавија, дури ни играчите на Сити. Никој. Престанав да играм и сè што изградив – исчезна. Поминав неколку месеци во затвор за нешто за што немав поим. Паднав во депресија и неколку пати размислував целосно да се откажам. Сепак, нешто ми кажуваше: „Држи ја главата горе, ќе помине ова“. Во текот на мојот престој во притвор, не добивав плата од клубот. Сметките пристигнуваа редовно, стресот беше огромен, бев осамен. Не можев ни да замислам толку тежок живот.
Тишината од луѓето блиски до мене најмногу ме погоди. Загубив две години од мојата кариера за злосторство што не го направив. Ми одзедоа две години од кариерата, и тоа во мојот најубав период.
Сега сум слободен човек. Судот ме ослободи од сè, но штетата веќе е направена. Насловите, обвинувањата, времето… Едноставно не може да се врати. Седев и се прашував што да правам следно, каде да одам. Фудбалот е мојот живот и морав да почнам од нула – открива Менди.
Тој ги загуби најдобрите години од својата кариера. Тој беше најскапиот дефанзивец во светот, но по сè, не успеа да се врати на самиот врв.
– Животот е понекогаш многу суров кон луѓето. Едно лажно обвинение – и целиот свет ти го врти грбот, не давајќи ѝ никаква шанса на вистината. Ги загубив годините, угледот, мирот. Сепак, сè уште стојам гордо. Слободен сум и се надевам на нешто добро по оваа темнина. На секој што поминува низ нешто слично, му велам: „Биди трпелив. Ноќта е долга, но не трае вечно. Јас сум доказ, иако лузните остануваат“.
По завршувањето на соработката со Сити, тој играше и за Лориен и за Цирих, а од 2025 година е член на полскиот тим Погон Шчечин.
Менди го тужеше Манчестер сити за неплатените долгови во текот на суспензијата. Тој побара 11,5 милиони фунти отштета, а на крајот доби неколку милиони помалку, се проценува дека е помеѓу осум и девет милиони.
Иако се врати на теренот и се обидува да ја изгради својата кариера од нула, јасно е дека чувствува дека не може да го надомести времето поминато далеку од фудбалот. По сè низ што помина, вели дека сака да го остави најтешкиот период од својот живот зад себе и да погледне кон иднината.
