Американската пивска компанија Pabst PBR објави дека нејзиниот камион со повеќе од 50.000 лименки пиво е украден во Калифорнија. Веројатно е најголемиот грабеж на пиво досега. Компанијата, исто така, во објава на Инстаграм изјави дека работи со локалните власти за да ја реши мистеријата за исчезнатиот камион со лименки пиво, објави „Еј-би-си њуз“.
„До крадецот: не те обвинуваме што сакаш да се фалиш пред пријателите колку PBR имаш, само сакаме да го добиеш на чесен начин. „Пабст“ официјално го започнува одбројувањето – имаш точно 18 дена и 44 минути да ни го вратиш камионот, без прашања. Дотогаш, ќе понудиме награда на секој што може да ни помогне да ја решиме оваа мистерија“, се вели во соопштението на компанијата PBR (Pabst Blue Ribbon).
Од компанијата „Пабст“ упатија молба до сите што имаат информации за камионот да им испратат порака на социјалните мрежи.
ИЗДВОЕНИ
Мицкоски ја кани опозицијата во преговарачкиот тим со Бугарија – ќе проработи ли националното единство?!
Посвоените да можат да го дознаат потеклото, ЗНАМ предлага законски измени
Крај за живот на кредит – за 100 илјади евра, рата од 500 евра месечно!?
Туршијата станува луксуз – кило карфиол колку кило пилешко!
