Шпанската фудбалска репрезентација беше пречекана од околу два милиони луѓе на улиците на Мадрид откако ја освои титулата светски шампион на Светското првенство во САД, Канада и Мексико.
Шпанските фудбалери се вратија дома еден ден откако ја победија Аргентина со 1-0 по продолжение во финалето на Светското првенство и ја освоија титулата светски шампион по втор пат во историјата.
The amount of Spain fans at the parade in Madrid 🤯 pic.twitter.com/brlyPKmrp9
— FOX Sports (@FOXSports) July 20, 2026
Голот што го одлучи натпреварот го постигна Феран Торес во 106-тата минута.
🇪🇸 | Ferrán Torres con su gorra de «Make Spain Great Again» durante la celebración del Mundial en Madrid. pic.twitter.com/qvo9kpNhl1
— ʜᴇʀQʟᴇs (@herqles_es) July 20, 2026
По пристигнувањето во Мадрид, тимот прво беше пречекан од кралот Фелипе VI и кралицата Летиција во палатата Зарзуела, а потоа и од премиерот Педро Санчез.
По официјалните приеми, играчите и тренерскиот штаб тргнаа со отворен автобус низ централните улици на главниот град, поздравувајќи ги собраните навивачи кои излегоа во голем број за да го прослават историскиот успех.
Колоната заврши на плоштадот Сибелес, традиционалното место за прослава на најголемите спортски успеси во Шпанија, каде што беше поставена сцена со музичка програма што му претходеше на доаѓањето на новите светски шампиони.
Според податоците објавени од шпанска „Марка“, повикувајќи се на проценки од надлежните органи, на прославата на улиците на Мадрид присуствувале околу два милиони луѓе.
ИЗДВОЕНИ
СРАМ ИЛИ АЛАРМ ЗА МАКЕДОНСКИОТ СПОРТ? Не е прашањето како загубија ватерполистите со 41:0, туку до кога ќе се лажеме дека сме на вистинскиот пат
Забраната за користење на водата во Гостивар останува до завршување на анализите
Водата во Гостивар била многу загадена со колиформни бактерии
Нови цени на горивата од полноќ: Бензините поскапуваат за три, дизелот за шест денари
