понеделник, јануари 19, 2026
Дома МАГАЗИН Нереални глетки од Камчатка, невидени во последните 60 години: Снежни наноси кои...

Нереални глетки од Камчатка, невидени во последните 60 години: Снежни наноси кои достигнуваат до 4 метри, движење само низ лавиринт од снег/видео

Од страна на
Вечер
-
33
Фото:принтскрин, видео Некста.тв.
Најобилни снежни врнежи во последните 60 години на рускиот далекоисточен полуостров Камчка создадоа големи наноси високи и по неколку метри кои ги блокираа влезовите во зградите и целосно ги затрупаа автомобилите, покажуваат агенциските фотоградии и приказни на метеоролошките станици, пренесува „Хина“.
Во некои подрачја во првата половина на јануари паднаа повеќе од 2 метри снег, по 3,7-те метри снег, колку што паднаа во декември, покажуваат метеоролошките податоци.„Утре планирам да прошетам низ градот, бидејќи автомобилот, ми е, за жал, вече  еден месец паркиран пред зграда и е целосно затрупан со снег“, изјави Људмила Москвичева, фотограф во Петропавловска-Камчатска, пристанишен град кој се наоѓа 6800 километри источно од Москва.
Снимките објавени во руските медиуми ги прикажуваат локалните жители како се пробиваат низ снежните наноси.

По екстремно обилни снежни врнежи, градот стана парализиран: дворовите се закопани до првиот кат, вратите не се отвораат, а опремата за чистење снег не може да се справи со обемните снежни наноси, пренесува Некста ТВ. Претходно, службите за итни случаи ги повикаа жителите на Камчатка да не скокаат од прозорци – под снегот може да има огради, автомобили и остри метални конструкции. Исто така, постои висок ризик да се заглавите во снежен нанос без начин сами да успеете да излезете. Но, судејќи според видеата што циркулираат на социјалните медиуми, тие предупредувања навистина не функционираат.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ

Сите содржини и објави на vecer.press се авторско право на редакцијата. Делумно или целосно преземање не е дозволено. Редакцијата на vecer.press не сноси никаква одговорност за коментарите и споделувањата на социјалните мрежи, бидејќи се генерираат преку Facebook, Twitter и други, и за нив важат правилата и условите на социјалната мрежа. Oбјавените содржини се авторска сопственост на vecer.press

Контактирајте нѐ: [email protected]

ИЗДВОЕНО

КАТЕГОРИИ

© Вечер Прес, сите права задржани

Developed by Weblider