По четврт-век чекање, екипата на Њујорк Никс се врати на најголемата сцена, откако со убедлива победа во шестиот меч против шампионот Бостон селтикс (119:81) избори пласман во финалето на Источната конференција.
Ова е прво конференциско финале за Никс по далечната 2000 година, кога беа поразени токму од Индијана Пејсерс. Симболично, повторно за место во завршната битка за титула ќе се сретнат со истиот тим, кој во второто полуфинале ја елиминираше екипата на Кливленд Кавалирс.
Џејлен Брансон и Оу Џи Ануноби постигнаа по 23 поени, Микал Бриџис уфрли 22, додека Карл-Ентони Таунс забележа дабл-дабл со 21 поен и 12 скокови. Џош Харт оствари трипл-дабл од 10 поени, 11 скокови и 11 асистенции, а и Мајлс Мекбрајд се приклучи со 10 поени.
Бостон, пак, без повредениот Џејсон Тејтум беше далеку од своето препознатливо ниво. Најефикасен кај Селтикс беше Џејлен Браун со 20 поени, додека Пејтон Причард и Ал Хорфорд додадоа 11, односно 10 поени. Ова значи дека НБА ќе добие нов шампион, бидејќи актуелниот Бостон ја заврши сезоната порано од очекуваното и тоа со тежок пораз.
ИЗДВОЕНИ
Мицкоски: Пет милијарди фунти за нови болници и брза железница
„Ова е вистината на повредените“: Support Kocani објави ВОЗНЕМИРУВАЧКИ ФОТОГРАФИИ од последиците кај младите по пожарот во „Пулс“
Билатерална средба Мицкоски-Стармер во Тирана: Постигната согласност за договор за стратешко партнерство со Обединетото Кралство
По еден месец затвор за секој загинат, обвинуваат семејствата на жртвите
