По повод Европскиот ден на правдата, Програмската канцеларија на Советот на Европа објави натпревари за цртежи и есеи на тема „Да ја доближиме правдата поблиску до граѓаните и до граѓанките“.
Министерството за образование и наука на својата веб-страница објави дека натпреварот за цртежи е отворен за деца и млади уметници од 6 до 18 години, додека Конкурсот за есеи е наменет за млади помеѓу 15 и 28 години. Краен рок за поднесување на цртежите и на есеите е 25 октомври 2025 година.
