Унгарскиот премиер Виктор Орбан изјави дека има сериозни поделби во рамките на НАТО, тврдејќи дека САД се посветени на мирот, додека Европа е сè повеќе ориентирана кон војна.
Орбан верува дека во глобалната политика се појавила нова реалност, имено дека НАТО денес функционира преку два одделни столба – американскиот и европскиот – кои, како што вели тој, испраќаат сосема различни пораки.
– Се појавија сериозни разлики меѓу клучните земји-членки на НАТО. САД се посветени на мирот, додека нивните европски сојузници се залагаат за војна – рече Орбан, коментирајќи ги изјавите на генералниот секретар на НАТО, Марк Руте, за подготовките за можен конфликт со Русија.
Унгарскиот премиер се осврна и на најавите за запленување на руски средства на Запад, предупредувајќи дека таков потег може да има непресметливи последици за Европската Унија.
– Последиците од овој потег се многу посериозни отколку што изгледаат на прв поглед. Се чини како економско прашање, но тоа не е вистина. Ова е директен чекор кон влегување во војна, нагласи Орбан.
Тој додаде дека такви мерки не биле преземени дури ни за време на Втората светска војна, предупредувајќи дека понатамошната ескалација може да ја турне Европа во длабока политичка и безбедносна криза.
ИЗДВОЕНИ
Стафа во притвор, во Апелација за истргата дознале од медиумите
Екс правобранителот уапсен за поткуп, барал 100.000 фатен со 50.000 евра
ИСКРИЧЕЊЕТО МЕЃУ ВМРО-ДПМНЕ И ЗНАМ ОТКРИ ДО КАДЕ СМЕ СО РЕФОРМСКИТЕ ЗАКОНИ: Владината процедура заглави најмалку 14 закони
ПРЕПУКУВАЊАТА ОКОЛУ МИГРАНТИТЕ НЕ ЗАПИРААТ: Мицкоски бара Обвинителството да се позанимава со СДСМ поради ширење паника и страв
