Во периодот од 21 до 24 октомври 2025 година тим наставници во ООУ ,,Свети Климент Охридски’’ во селото Драчево, општина Кисела Вода, го реализираа проектот Erasmus+ Game for sel, подржан од Еразмус+ програмата заедно со тимови од Република Турција, Австрија и Франција.
Како домаќини на првата мобилност со одделенскиот наставник Тања Петков – координатор, наставниците реализираа бројни активности: презентација на дигитална игра за врсничко насилство – сајбер насилство на социјалните мрежи (подготвена на порталот Genially). Во соработка со „Макпетрол“, која е креатор на платформата „Крени глас против врсничко насилство“, на тимовите им беа презентирани многубројни приказни од жртви на врсничко насилство покажувајќи ја целта која е охрабрување на учениците да пријават и побараат помош доколку се најдат во некоја слична ситуација.
Тимот од Македонија го претстави и прирачникот „Не молчи – прекини го кругот! Стоп за насилство!“ кој е изготвен од наставниците во нивните паралелки преку работилници кои помагаат за препознавање, спречување и надминување на врсничко насилство.
Прирачникот има ИСБН број и дозвола за печатење од Универзитетска библиотека и е во печатена верзија на македонски и на англиски јазик. Изготвен е и код преку кој училиштата и секој наставник можат да го користат во електронска форма.
Покрај бројните активности, тимовите гости ги открија убавините на нашата земја (скопското Кале, Старата чаршија, Матка, Охрид), а исто така ја вкусија и традиционалната македонска храна.
Следните мобилности се во Франција, потоа во Република Турција и Австрија.
ИЗДВОЕНИ
Ревијален ракометен спектакл на теренот во „СЦ Јане Сандански“ под мотото „Легендите на сцена“ /ФОТОГАЛЕРИЈА
ЧЕТИРИ ДЕНА ПРЕД ГЛАСАЊЕТО ВО ВТОРИОТ КРУГ НА ЛОКАЛНИТЕ ИЗБОРИ КОМБИНАТОРИКИТЕ ВО ПОЛН ЕК: Партиски мобилизации – решавачката битка за секој глас на 33 фронта!
Како да ги задржиме туристите од Србија, Албанија, Грција… кои доаѓаат да полнат бензин или во казина
Има ли пилот во авионот на Комуналец ?
