Сојузот на стопански комори на Македонија (ССКМ) не се согласува со предлогот за намалување на бројот на празници, оценувајќи дека треба да бидат насочени напорите кон зголемување на продуктивноста и кон поефикасно организирање на работниот процес.
Како една од опциите за која треба да се отвори поширока дискусија, од ССКМ ја посочуваат исплатата на работниците според одработените часови, по примерот на развиените пазарни економии. Според оваа идеја, потребно е да се разгледаат моделите на организација и на вреднување на трудот, кои би придонеле за подобри резултати во работењето.
Претседателот на ССКМ, Горан Ѓорѓиевски, оценува дека во Македонија има вредни, посветени и чесни работници, кои сакаат да работат, поради што намалувањето на празниците не треба да биде приоритет. Наместо тоа, треба да се насочи вниманието кон начините за подобрување на продуктивноста и искористување на работниот потенцијал.
– Македонија има вредни, посветени и чесни луѓе, кои сакаат да работат. Затоа, нашиот фокус не треба да биде на намалувањето на празниците. Нашата цел е како да се зголеми продуктивноста – истакнува Ѓорѓиевски.
ИЗДВОЕНИ
Обвинителство: Не губиме контрола врз предметот Лотарија, се истражува зошто првиот сведок ја „сврте“ изјавата
За автопатите, годинава се обезбедени 243 милиони евра, дел се заем од домашните банки
Од Владата уверуваат дека платите растат двојно побрзо од инфлацијата
Бизнисот ќе ги дигне на нозе јавните претпријатија што работат со загуби
