Најмалку 21 лице загинаа, а неколку се повредени во Зеленортските острови кога автобус што превезуваше ученици падна од патот во клисура длабока 30 метри, изјави локален функционер.
Несреќата се случи вчера на островот Фого во Капо Верде, објави денес кинеската новинска агенција „Синхуа“.
Според локалната новинска агенција „Инфопрес“, несреќата се случила на планински пат во општината Сао Филипе, а патниците биле главно средношколци од Корал Гранде и Понта Верде.
Возачот е меѓу загинатите, објави „Инфопрес“.
Локалните образовни власти соопштија дека екскурзијата не била организирана од училиштата, туку била годишно патување што возачот го организира за учениците што ги превезува во текот на учебната година.
Локалните власти изјавија дека во тек се спасувачки операции во тешко пристапната област и дека бројот на жртви може да се зголеми.
Се очекува конечниот број на жртви да биде потврден откако ќе завршат спасувачките операции и идентификацијата на жртвите.
Причината за несреќата е во тек, пренесува „Бета“.
ИЗДВОЕНИ
Возач на висок владин функционер фатен со мито
Масонски симболи на цркви, куќи и стари градби – огнена ѕвезда има и Парламентот!
“ЖУРКАТА“ ЗАВРШИ СО ЛИСИЦИ: Петмина приведени во Галичник, полицијата најде дрога во шаторите
Топло дома, но по која цена? Голема разлика меѓу парното, дрвата, инвертерот и пелетите
