Европските индекси денес се во пораст, а цената на нафтата од типот Брент падна на 98 долари, бидејќи инвеститорите беа охрабрени од изјавите на американскиот потпретседател Џ.Д. Венс и очекуваат продолжување на преговорите меѓу САД и Иран за прекин на огнот на Блискиот Исток.
Според податоците на енергетскиот пазар, цената на суровата нафта падна за 3,48 проценти на 95,582 долари за барел во 9:30 часот наутро, а цената на нафтата од типот Брент падна за 1,35 проценти на 98,047 долари.
Во интервју за Фокс њуз, Венс нагласи дека претставници од Вашингтон и Техеран имале „добри разговори“ во текот на викендот кои, како што рече, помогнале да се разјаснат приоритетите на САД, вклучително и повторното отворање на Ормутскиот теснец, клучен меѓународен нафтен пат.
„Тие се движеа во наша насока, поради што мислам дека можеме да кажеме дека имаме некои добри индикации, но не се придвижија доволно“, рече Венс, осврнувајќи се на преговорите меѓу САД и Иран во Исламабад.
Според него, понатамошните чекори во мировните преговори зависат од Техеран и тој верува дека евентуалниот договор би можел да биде корисен за двете страни доколку се исполнат условите на САД, особено во врска со нуклеарната програма на Иран, пренесува CNBC.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
