Екипата на МЗТ Скопје го претрпи третиот пораз во ФИБА Еврокупот откако загуби на гостувањето во Германија од Вирцбург, со убедливи 87:70. Македонскиот шампион добро го отвори натпреварот и во првата четвртина имаше предност од пет поени (21:16). Во втората четвртина се водеше изедначена битка до 30:30, по што германскиот тим направи серија од 7:0 и замина на полувремето со водство од 49:43. Во продолжението, Вирцбург ја презеде целосната контрола, а пред крајот на третата четвртина, првпат поведе со двоцифрена разлика (67:57).
МЗТ Скопје немаше одговор за расположениот домаќин во последните десет минути, па Вирцбург без поголеми проблеми ја задржа предноста и ја запиша првата победа сезонава на ова натпреварување.
Ноа Али Фарахан со 14 поени беше најефикасен во редовите на македонскиот првак, додека Андреј Маслинко постигна 12, а Тадија Тадиќ заврши со 10 поени.
По три одиграни кола, МЗТ Скопје останува на последното место во групата, како единствен тим без победа во ФИБА Еврокупот.
ИЗДВОЕНИ
Ќе плаќаме повисоки сметки за парно и струја?!
Обновен е релјефот на мајката со трите деца на споменикот на децата бегалци од Егејска Македонија
Инјекција во здравството – 100 нови возила за побрза Брза помош
Обвинителство: Не губиме контрола врз предметот Лотарија, се истражува зошто првиот сведок ја „сврте“ изјавата
