Под влијание на влажна и нестабилна воздушна маса, утре попладне, во текот на ноќта и во недела претпладне времето ќе биде променливо облачно и нестабилно со локален пороен дожд и грмежи.

Наместа процесите ќе бидат поинтензивни во форма на невреме со пообилен пороен дожд за кратко време (над 20 л/м2), засилен ветер (над 60 км/ч) и изолирана појава на град.

Во Скопје, кон крајот на денот и во текот на ноќта ќе биде нестабилно со пороен дожд, грмежи и засилен ветер, во делови од котлината во форма на невреме.

Републичката хидрометеоролошка служба на Србија (РХМЗ) денес издаде неколку предупредувања поради високите температури, но најави и нагли промени на времето што ќе донесе невреме придружено со врнежи.

Долгоочекуваната промена на времето утрово ги погоди Истра и западна Хрватска, каде што на некои места наврнаа повеќе од 60 литри дожд на квадратен метар за само неколку часа. Врнеше дожд и дуваа силни бурни ветрови.

Портокалово предупредување за опасно време е на сила во делови од Хрватска, вклучувајќи ги регионите Загреб, Карловац, Госпиќ, Риека, Сплит и Книн.

Поради силен јужен ветер, некои линии за катамарани во северниот дел на Јадранското Море се суспендирани, објави Државниот хидрометеоролошки завод.

Утрово обилни дождови го погодија словенечкиот брег. Поројните водотеци и помалите реки брзо се зголемија. „Неколку области веќе се поплавени од дожд, но и подземни води“, објави Агенцијата за животна средина (ARSO). Градот Копер предупредува дека условите на теренот се опасни и брзо се влошуваат, објавува 24ur.com.

„Сите расположиви екипи се на терен и ги информираме граѓаните да бидат исклучително внимателни во сообраќајот бидејќи се задржува вода на патиштата. Поради лошите временски услови и брзото зголемување на нивото на водата на реките Бадашевица и Рижана, ги повикуваме жителите во овие области да останат во своите домови. Ситуацијата брзо се влошува, патиштата се затвораат, а движењето во зоната е опасно“, предупредува општина Копер.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ