Трансплантиран свински бубрег функционирал во телото на американски маж 271 ден, соборувајќи го рекордот, а во меѓувреме пронајден е и донор. Американските лекари велат дека никогаш не се случило животински орган да функционира во човечко тело толку многу денови, додавајќи дека свинските органи можат да се користат како „мост“ сè додека човечки орган не стане достапен за трансплантација.
Пациентот Тим Ендрус рече дека операцијата му дала надеж и му овозможила да избегне секојдневна дијализа, објави Би-Би-Си.
Свинскиот орган на крајот откажал и бил отстранет, што барало Ендрус да помине низ кратка серија третмани за дијализа пред да се најде човечки донор.
View this post on Instagram
Лекарите интензивно ја истражуваат ксенотрансплантацијата, употребата на органи од други видови, во последниве години поради хроничен недостиг на органи за трансплантација.
Во САД, околу 100.000 луѓе чекаат бубрег, додека околу 25.000 трансплантации се вршат годишно.
Свињите се сметаат за идеално животно за ксенотрансплантација. Нивните органи се приближно со соодветна големина, а постои долгогодишно искуство во нивното одгледување.
Истражувачите ги развиле таканаречените џуџести свињи Јукукатан, кои претрпеле 69 генетски модификации за да можат нивните органи да се користат за овие цели, пренесува Танјуг.
