Масовни немири во Торино: Илјадници луѓе протестираат против затворањето на општинскиот центар, повредени се над 100 полицајци

Повеќе од сто припадници на безбедносните сили беа повредени во протестите организирани во Торино поради затворањето на левичарски културен центар, објавија властите денес.

Десет лица беа приведени по судирите меѓу полицијата и демонстрантите во саботата. Во моментов нема официјални информации за бројот на повредени меѓу демонстрантите, но издадени се налози за апсење за двајца демонстранти.

Протестите беа организирани за да се спротивстават на иселувањето на културниот центар Аскатасуна, кој со децении беше место за собирање и средби на левичарската сцена во Торино. Објектот беше затворен непосредно пред Божиќ.

Околу 15.000 луѓе маршираа низ центарот на градот во саботата, многумина мавтајќи со палестински знамиња, а протестот на крајот стана насилен.

Толпата фрлаше камења и други предмети кон полицијата, користеше молотови коктели и запали канти за ѓубре. Во немирите беше запалено и полициско комбе.

Безбедносните сили одговорија со солзавец и водени топови во обид да ги растераат демонстрантите, пренесува „Хина“.

🇮🇹 #Italy: Protests have turned violent as clashes have erupted a few hours ago between antifascists and Italian riot police in Turin.

It is reported that hundreds of protesters initially marched through Turin to protest the government’s decision to evict and seal off the… pic.twitter.com/4R4K8pMkRL

— POPULAR FRONT (@PopularFront_) February 1, 2026

Еден демонстрант беше однесен со повреди на главата. Видеото што кружи на социјалните мрежи, исто така, прикажува помлад полицаец како лежи на земја додека маскирани демонстранти го клоцаат, некои со чекани.

Властите соопштија дека 29-годишниот полицаец претрпел сериозни повреди, но не е во критична состојба.

Крајнодесничарската влада на Италија ги осуди немирите, нарекувајќи ги „напад врз државата“, а премиерката Џорџа Мелони ги обвини учесниците во немирите за обид за убиство.