Како одговор на вчерашниот напад со крстосувачки и балистички ракети врз Киев, во кој загинаа најмалку 12 цивили, Украинците синоќа нападнаа голем број руски градови со беспилотни летала.
Руските медиуми објавија дека системите за воздушна одбрана уништиле 96 украински беспилотни летала над руските региони. Шест од нив беа над Московскиот регион, соопшти Министерството за одбрана.
💥💥💥 In response to Russia’s recent drone attacks on Ukraine 🇺🇦:
150 Ukrainian drones are now flying over the Russian regions of Moscow, Kaluga, Belgorod, Ryazan & other regions.👉 It will be a loud night for the Russians! pic.twitter.com/P8oADnKfhr
— Jason Jay Smart (@officejjsmart) May 25, 2025
Конечниот број на дронови е непознат, но обемот на нападот го покажува целосното прекинување на сообраќајот на сите московски и повеќето руски аеродроми лоцирани во европскиот дел.
Во Белгородската област, во округот Грајворон, беше забележан неочекуван прекин на електричната енергија. Во Ивановската област, дрон оштетил зграда на комунални служби.
Руските социјални мрежи објавија бројни снимки на мобилни противвоздушни единици кои ги гаѓале дроновите со митралези. Овие групи се важен дел од територијалната одбрана на Русија бидејќи украинските дронови летаат на мали височини и се тешко детектибилни.
