Масакр со дронови во Судан, повеќе од 300 загинати

Суданската армија е обвинета за извршување на неколку напади со беспилотни летала, во кои, според достапните извештаи, загинале повеќе од 300 луѓе – меѓу кои и десетици кои патувале на погреб, пренесува Би-Би-Си.

Бројот на загинати во нападите во две области во државата Западен Кордофан достигна 150, изјавија извори за „Суданската воена опсерваторија“ (Sudan War Observatory) – организација што го следи конфликтот што избувна во 2023 година меѓу армијата и паравоените „Сили за брза поддршка“ (RSF).

Во Абиеј, спорна погранична област меѓу Судан и Јужен Судан, 153 лица загинаа кога дронови во понеделникот погодија пазар, според изјавата на министерот за информации на тој регион.

Sudan 🇸🇩: gruesome massacre in the disputed Abyei region where around 73 people were killed yesterday in a SAF drone strike on the local market. pic.twitter.com/0NssUF6D4A

— Thomas van Linge (@ThomasVLinge) October 20, 2026

Воен извор изјави за Би-Би-Си дека суданската армија го извршила нападот во Абиеј, тврдејќи дека пазарот служел како точка за снабдување со гориво за „Силите за брза поддршка“ (RSF).

Нападот ги зголеми тензиите меѓу Јужен Судан и Судан, кои заеднички управуваат со Абиеј, бидејќи двете земји полагаат право на оваа територија богата со нафта. Спорот останува нерешен уште откако Јужен Судан се стекна со независност во 2011 година.

Јужен Судан го повика суданскиот амбасадор за да упати официјален протест, а се појавија и стравувања дека конфликтот би можел да се прелее преку границата.