Макс Верстапен повторно коментираше за темата за можни промени во форматот на тркачките викенди во Формула 1. Откако извршниот директор на Ф1, Стефано Доменикали, навести дека пократките трки и помалку тренинзи би можеле да привлечат помлада публика, Холанѓанецот јасно стави до знаење дека не е обожавател на ваквите идеи.
Инаку, спринт трките беа воведени во 2021 година и тогаш се возеа само три во текот на сезоната. Денес, тој број е зголемен на шест тркачки викенди.
- Разбирам дека навивачите се повеќе заинтересирани да гледаат трки отколку само кругови за време на тренинг. Важно е за нас, возачите, да имаме тренинг, но од перспектива на навивачот може да биде здодевно. Разбирам дека спортот се развива и се воведуваат нови работи, но не треба да претеруваме. Спринт трката е веќе доволно луда, според мене. Сите знаете што мислам за спринт трките, но должината на главната трка е сосема во ред. Понекогаш е час и половина, понекогаш е поблиску до два часа, порача Холанѓанецот.
