Францускиот претседател Емануел Макрон и турскиот претседател Реџеп Таип Ердоган денес ги повикаа сите страни да го почитуваат прекинот на огнот на Блискиот Исток, како и Либан да биде вклучен во прекинот на огнот.
Макрон напиша на платформата „Икс“ дека тој, заедно со Ердоган, ги повикал сите страни да ја почитуваат слободата на пловидба во Ормутскиот теснец, како и да постигнат трајно дипломатско решение за Блискиот Исток.
Тој нагласи дека со Ердоган разговарале и за ситуацијата во Украина, како и за заедничките напори во рамките на „коалицијата на оние што се волни“ за воспоставување праведен и траен мир.
„Нагласив дека мирот мора да биде апсолутно во согласност со принципите на Повелбата на Обединетите нации, како и да се базира на силни безбедносни гаранции за Украина“, нагласи Макрон.
Тој изјави дека со Ердоган разговарал и за развојот на соработката меѓу Франција и Турција, пренесува „Танјуг“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
