Владимир Путин, како и секоја година, традиционално се искапи во ледена вода по повод православниот празник Богојавление, потврди портпаролот на Кремљ, Дмитриј Песков.
„Владимир Путин, како и секоја година, традиционално се искапи. Богојавление е голем празник за него, како и за сите православни луѓе кои работат во Кремљ. Многу луѓе го почитуваат овој обред“, рече Песков.
Оваа година, Кремљ не ја објави снимката, само рече дека Путин го направил тоа.
Во видеото од минатата година рускиот претседател може да се види како три пати се потопува во водата во костим за капење, се прекрстува и брзо излегува по обредот.
Vladimir Putin celebrates Epiphany pic.twitter.com/ulD0J74BX6
— Sprinter Press (@SprinterPress) January 19, 2025
Овој ритуал го практикуваат верниците за да се исчистат од гревовите и да ја вратат силата на духот.
