Кина и САД се согласија да ги задржат тарифите на сегашните нивоа – САД наплаќаат 30% за кинески стоки, а Кина наплаќа 10% за американски производи, пренесува „Бета“.
Во разговор со новинарите, кинескиот функционер Ли Ченганг рече дека двете страни имале „конструктивни“ и „отворени“ разговори вчера и денес во Стокхолм, објави „АП“.
Ли, исто така, рече дека двете страни имале „сеопфатни и детални“ разговори за микроекономски прашања и се согласиле да останат во контакт и „навремено да комуницираат едни со други за трговски и економски прашања“.
Кинеските и американските претставници се состанаа денес во Стокхолм на вториот ден од разговорите за реципрочните тарифи, со главна цел да се продолжи царинското примирје постигнато во Женева во мај и да се стави крај на застојот што ги наруши трговските врски меѓу двете најголеми економии во светот.
Се очекува американскиот министер за финансии Скот Бесант да им се обрати на новинарите подоцна.
