Кенискиот суд почна со изрекување на пресудата во случајот за масовно убиство против проповедникот за судниот ден Пол Мекензи. Тој и 29 негови следбеници се обвинети за убиство на 191 лице, од кои речиси сите биле деца.
Според обвинението, неговиот култ наводно ги принудувал децата да умрат од глад за да се сретнат со Исус. Властите пронашле повеќе од 400 тела во плитки гробови во шумата Шакахола, во близина на кенискиот брег. Мекензи ги довел своите следбеници таму од целата земја, пишува Би-би-си.
Мекензи и другите 29 обвинети се изјаснија за невини и постојано повторуваа дека никој не бил принуден да умре. Водачите на култот се соочуваат и со голем број други обвиненија, вклучувајќи тероризам, радикализација и лишување на децата од образование.
– Некои од останките им припаѓаа на деца кои имаа само неколку недели. Еднаш пронајдовме 12 тела на деца во ред во гроб. Беше ужасно, телата беа наредени едно врз друго, како облека, опишуваат гробарите ангажирани за откопување на плитките гробови.
