Јаник Синер го изигра целиот свет  

Иако тениските организации под покровителство (АТП) и италијанското лоби вложија огромен напор да ја прикријат и архивираат целата приказна, духовите од минатото повторно го прогонуваат вториот тенисер во светот, Италијанецот Јаник Синер Овој пат, мразот го скрши шведската тениска легенда – Бјорн Борг.

Швеѓанецот, чиј збор има посебна тежина во светот на тенисот, јавно го постави прашањето што многумина го шепотат, но ретко кој се осмелува да го каже гласно: Како е можно Синер да го врати во својот тим човекот кој речиси му ја уништи кариерата?

Појавувајќи се на националната телевизија во Норвешка, Борг немаше зборови да го опише своето разочарување од одлуките на италијанскиот тенисер. Фокусот беше ставен на враќањето на фитнес тренерот Умберто Ферара, човекот кој беше идентификуван како директна алка во синџирот на одговорност за ставање на забранетата супстанца во телото на Синер.

– Единственото нешто што можам да го кажам, а што им боди во очите на сите што го следат овој спорт, е дека Синер го отпушти тренерот под притисок на аферата, а потоа, штом бурата малку се смири, го врати во својот најблизок круг. Од сите експерти во светот, тој го избира него. Тоа е исклучително чудно и остава простор за многу прашања на кои сè уште немаме одговори, кажа Борг.

Целиот хаос започна во март 2024 година за време на турнирот во Индијан Велс. Главен актер, покрај Синер, беше физиотерапевтот Џакомо Налди, на кого претходно споменатиот Ферара му позајми „Трофодермин“ – крем што го содржи забранетиот клостебол.

Сценариото што ѝ се понуди на јавноста беше филмско. Имено, Налди ја третирал сопствената рана со контроверзниот крем, а потоа го масирал Синер со голи раце, што ѝ овозможило на супстанцата да влезе во телото на тенисерот.

Ферара влезе во неверојатни детали во своја одбрана:

– Го користам тој крем со години по препорака на докторот. Бев свесен за ризиците и казните. Дури му дозволив на Налди да го користи исклучиво во мојата бања за да нема контакт со Јаник. Тој не негираше дека бил информиран, едноставно рече дека заборавил.

Додека другите тенисери добија повеќегодишни суспензии за слични прекршоци, Синер помина со „опомена“ од три месеци пауза (од февруари до мај 2025 година). Сепак, дамката на неговиот углед останува. Додека неговиот најголем ривал Карлос Алкарас ги жнее плодовите на чиста кариера и расте во очите на спонзорите и навивачите, Синер се бори со нарушен имиџ.

Враќањето на Ферара во тимот пред Отвореното првенство на САД само ги поттикна сомнежите на оние кои веруваат дека голем дел од „случајот Синер“ не е како што се претставува на јавноста. Дали станува збор за лојалност или за нешто друго, останува мистерија, но едно е сигурно – легендите како Борг нема да престанат да поставуваат незгодни прашања.