Градењето на експресниот пат Фариш – Дреново, кој беше пуштен за сообраќај пред еден месец, не беше ниту едноставно ниту лесно. Министерот за транспорт и врски, Александар Николоски, објаснува дека според начинот на кој бил проектиран патот, буквално висела цела една планина над патот. Затоа паднала одлука да се отстрани брдото, а за колкава количина станува збор зборува фактот дека со ископаниот материјал може да се наполни еден фудбалски стадион.
– Проектот предвидуваше заштита од челични сајли што требаше да ја држат планината да не падне на патот. Се спротивставив и реков да најдеме друго решение – да ја поместиме планината и да го отстраниме тој материјал. Имаше скептици, но, за жал, по неколку недели, се случи несреќата во Нови Сад, со железничката станица. И по тоа, им се отворија очите на тие скептици, дека тие системи на челични сајли, можеби, се добри на хартија и проектантски, но, за жал, се случува тоа што се случува и да нема такви случаи да го отстраните тоа што може да е потенцијален проблем – вели Николоски.
Тој посочува дека опцијата за минирање на брдото, исто така, отпаднала од игра, затоа што од патот, преку мост, се влегува во тунел.
– Ако се случеше минирање, ќе се урнеше мостот и тоа ќе значеше да нема експресен пат уште три години. Се најде инженерско решение, се донесоа машини, кои буквално удираа во планината и се работеше околу 5 месеци. Сликовито да објаснам, беше отстранет материјал колку да го наполните Градскиот стадион – истакна вицепремиерот Николоски.
ИЗДВОЕНИ
Сцени на апокалипса во Газа: Се пука во сè што се движи, градот во урнатини, чад и вресоци на луѓе заробени под бетонот на своите домови
СЕ ЗАЈАКНУВААТ АКАДЕМСКИТЕ РЕДОВИ ВО МАНУ: Блажо Боев и Изет Зеќири предложени за нови академици, 14 кандидати за дописни членови…
Ова се сите пријави со кои жртвата Росица го пријавувала насилството од Илија во полициска станица
Ајварот стана деликатес, годинава ќе го нема на секоја македонска трпеза
