Израелската армија денес објави дека го убила новиот водач на вооруженото крило на палестинското движење Хамас, неколку дена откако неговиот претходник загинал во сличен напад. Најмалку три Палестинци се убиени, а десетици се повредени во големиот напад во вторникот, кој погодил станбена зграда во една од најпрометните пазарни области во Газа Сити, соопштија локални медицински лица и сведоци.
Војската соопшти дека командантот Мохамад Одех е убиен во операција во Газа вчера, јавува Ројтерс.
Израелската армија и безбедносната служба Шин Бет соопштија дека биле таргетирани згради кои служеле како засолниште за Одех, откако неговото движење било следено со месеци. Од Хамас засега нема официјален коментар. Станува збор за најновиот смртоносен израелски напад врз Газа, и покрај прекинот на огнот со Хамас кој започна во октомври.
Здравствените власти во Газа соопштија дека шест лица се убиени, а повеќе од 20 други се повредени во истиот израелски напад врз станбена зграда во Газа.
Израелскиот премиер Бенјамин Нетанјаху вчера изјави дека Одех ја водел разузнавачката единица на Хамас за време на нападот на 7 октомври 2023 година, со кој започна војната во Појасот Газа.
Тој беше назначен за командант на вооруженото крило на Хамас откако неговиот претходник, Из ал-Дин ал-Хадад, беше убиен на 15 мај.
Израел неколку часа пред вчерашниот напад и убиството на Одех објави дека ги проширува воените операции во соседен Либан.
Во последните израелски напади врз либанското движење Хезболах загинаа 31 лице.
ИЗДВОЕНИ
Петровден е и денот на традиционалната културна манифестација Галичка свадба – живо сведоштво за дел од нашето културно наследство
Најголемиот маратон сега го пливам надвор од водата!
Мецола: Статус кво состојбата ја оддалечува Македонија од Европа
ИГОР ИЛКОВ, ПРЕТСЕДАТЕЛ НА ПЧЕЛАРСКАТА ФЕДЕРАЦИЈА: Без пчелите ќе останеме без храна, не само без мед!
