Истражниот комитет на Русија ги класифицираше железничките несреќи кои се случија во Русија во изминатите 24 часа како терористички напади, пренесува РТС.
Инцидентите со експлозии на железничките пруги во регионите Брјанск и Курск се класифицирани како терористички напади, објави Истражниот комитет на Русија.
Најмалку 39 лица, меѓу кои и четири деца, се во болници откако се здобиле со повреди по уривањето на надвозник во регионот Брјанск, изјави Алексеј Кузнецов, заменик-министер за здравство на Русија.
„Според податоците, 39 лица се лекуваат во болници, меѓу кои и четири деца, меѓу кои и едно бебе. Тие се во сериозна состојба. Вкупно 27 лица добиле итна медицинска помош“, рече Кузнецов, пренес „РИА Новости“.
Три од повредените деца ќе бидат префрлени во Москва, соопшти московското здравство на својот Телеграм канал.
„Повредените деца ќе бидат префрлени во Москва. Детето, старо пет месеци, наскоро ќе биде префрлено со воздушен медицински тим за медицина при катастрофи во Истражувачкиот институт на Националниот истражувачки и Технички универзитет на Руската Федерација – Клиника на доктор Рошал“, се вели во соопштението.
Седумгодишно дете со повреда на мозокот и затворена фрактура на рамото, во придружба на неговиот татко, ќе биде префрлено во Истражувачкиот институт NDHiT.
„Четиригодишно дете со повреда на мозокот ќе биде префрлено во московска болница, во придружба на неговата мајка. Болничките екипи се подготвени да обезбедат секаква потребна медицинска помош“, се вели во соопштението.
Рускиот претседател Владимир Путин разговараше по телефон со гувернерот на Брјанската област Александар Богомаз и директорот на Руските железници Олег Белозеров, изјави портпаролот на Кремљ, Дмитриј Песков.
„Шефот на државата ги сослуша извештаите за мерките што се преземаат во врска со она што се случи на железницата“, рече Песков, пренесе порталот „Известија“.
Причината за уривањето на мостот во Брјанската област беше експлозија, изјави денес регионалниот гувернер Александар Богомаз.
„Имаше експлозија на автопатски мост додека возот се движеше, превезувајќи 388 патници“, рече Богомаз на телевизискиот канал „Русија 24“, објави РИА Новости.
Шефот на регионот објасни на „Телеграм“ дека 47 лица се хоспитализирани, вклучувајќи три деца.
Руското Министерство за вонредни ситуации соопшти дека противпожарните и спасувачките екипи се обидуваат да ги пронајдат патниците во возот.
Спасувачките екипи продолжуваат да извлекуваат луѓе од урнатините. Причината за несреќата сè уште не е позната, но весникот „Известија“ цитираше извор кој вели дека
