Осудесет и четиригодишна битолчанка била измамена за 9.600 евра, информира утрово СВР Битола.
Според пријавата, вчера околу 16:00 часот лицето ѝ се јавило, се претставило како лекар и ѝ рекло дека нејзината ќерка се здобила со скршеници и итно мора да се оперира. Парите ѝ биле земени од лице кое дошло пред нејзината зграда. Подоцна, откако се слушнала со ќерката, сфатила дека била измамена.
Ден претходно, 83-годишен битолчанец пријавил сличен случај, кога измамникот се претставил како лажен лекар и му рекол дека неговата внука се здобила со тешки повреди и потребна е итна операција. Тој бил измамен за 10.000 евра.
Според СВР Битола, двата случаи се спроведени по исто сценарио: измамените лица ги даваат парите на лице што доаѓа пред нивната врата и потоа сфаќаат дека се измамени.
Полицијата презема мерки за откривање на сторителите и расчистување на овој и претходните случаи на измами од лажни лекари.
ИЗДВОЕНИ
Уставниот суд не поведе постапка за оспорените измени на пензискиот закон, надворешните пензионери оставајќи ги без покачување
Груби под стража, соседството со потсмев: „внимавајте, има обезбедување“!
„Пластика паѓаше врз нас, имаше врескање и силен мирис што тераше на спиење“
Една третина од работниците ни се сиромашни, а имаме поголема куповна моќ од Чешка, Литванија, Турција…
