Илјадници луѓе се евакуирани на повисоките места во Чиле и Аргентина, откако чилеанските власти издадоа предупредување за цунами по земјотресот со јачина од 7,5 степени според Рихтеровата скала што ги погоди јужните брегови на двете земји.
Беше издадено предупредување за цунами за оддалечениот регион Магаланес во Чиле и делови од чилеанската антарктичка територија, а мерки на претпазливост беа преземени во аргентинскиот регион Тиера дел Фуего.
Според чилеанската агенција за катастрофи (Сенапред), повеќе од 1.700 луѓе досега се евакуирани на повисоките места во ретко населената област, вклучувајќи 1.000 од градот Пуерто Вилијамс и 500 од Пуерто Наталес.
