Лука Модриќ и Кевин Де Бруин секако се меѓу најдобрите играчи од средниот ред во светот без оглед на возраста, а интересно е што ќе играат еден против друг во новата сезона бидејќи нивната нова дестинација е италијанската Серија А.
Модриќ ги држеше клучевите од средниот ред на Реал (М) речиси деценија и пол и реализираше серија неверојатни успеси, вклучувајќи 28 трофеи.
Хрватот го заработи своето најголемо признание во 2018 година кога ја освои „Златната топка“ и стана вистинска легенда.
Од друга страна, Де Бруин ја носеше играта на Манчестер Сити на грб и долго време важеше за најдобар играч од средниот ред во англиската Премиер лига.
Сепак, она што е замерливо се не толку успешните резултати со Белгија бидејќи Белгијците имаа одлична генерација, а во тој период Модриќ освои два медала на светските првенства со Хрватите.
Досега имаше многу контроверзии околу тоа кој е подобар меѓу нив двајца, а се чини дека и Кајл Вокер го даде своето мислење.
Вокер ја делел соблекувалната со Модриќ на почетокот на неговата кариера, а потоа поминал речиси една деценија како соиграч со Де Бруин.
Искусниот десен бек неодамна потпиша за Барнли, а во анкетата од него беше побарано да опише одредени играчи со еден збор.
Вокер рече за белгискиот играч од средниот ред дека е брилијантен, додека го опиша Модриќ како феноменален, со што му даде многу подобар комплимент.
„Извинете, но како Кев е брилијантен, а Модриќ е феноменален?“, го прашаа навивачите на Манчестер Сити по изборот на Вокер.
За потсетување, Де Бруин стана нов играч на Наполи, а Модриќ е пред потпис за Милан по 13 години поминати во Реал (М).
