Американскиот Сенат усвои резолуција со која се ограничуваат воените овластувања на претседателот на САД, Доналд Трамп, во Иран, благодарение на четворица републиканци што гласаа за предлогот на демократите, додека тројца сенатори од таа партија се воздржаа од гласање, објави „Ројтерс“.
Ова е само првиот чекор во усвојувањето на резолуцијата, зашто за неа треба да се изјасни и Претставничкиот дом. Во случај да се усвои, се очекува Трамп да стави вето на неа. Во Сенатот предлогот е усвоен со 50 гласа „за“ и 47 против. Четворица републиканци му се придружија на мнозинството демократи во корист на резолуцијата, додека сенаторот Џон Фетерман од Пенсилванија беше единствениот демократ што се спротивстави. Тројца републиканци не гласаа, помагајќи им на демократите да добијат мнозинство за својот предлог за ограничување на воените овластувања на Трамп кон Иран.
Усвоената резолуција му наредува на претседателот да „ги отстрани вооружените сили на САД од непријателствата во или против Иран, освен ако не е изречно овластен со објава на војна или посебно овластување за употреба на воена сила“. Трамп го „заврши“ конфликтот со Иран на 1 мај, а ова гласање во Сенатот е второ откако тој формално го извести Конгресот дека почнала акција против Техеран.
ИЗДВОЕНИ
ВМРО-ДПМНЕ прифаќа една изборна единица за да се донесе Изборниот законик
Верата не е пречка за спасување живот – дарувањето органи е благороден чин, но само со слободна волја
Квадратот сè понедостижен, за сопствен стан во Скопје треба да се работи и до 17 години
Нежната срна спасена, но со тешки последици сега живее на село, со мало јаре спасено од колење
