За само пет дена, во Загреб се регистрирани два случаи во кои деца на возраст од 12 и 13 години претрпеле неповратно оштетување на видот поради играње со ласерски уреди.
Во двата случаи, моќниот ласерски зрак предизвикал трајно уништување на нервното ткиво на мрежницата, како резултат на што двете деца останале слепи на едното око до крајот на животот, објави порталот Здравје.
Првиот случај е регистриран минатата недела, а вториот во четвртокот. Двете деца добиле ласери како подарок, а едното од нив имало моќност од 100 mW, што го надминува безбедносниот праг многу пати. Во медицината, таквата моќност се користи исклучиво под строг надзор за намерно согорување на заболено ткиво.
Офталмологот Мирјана Бјелош предупреди дека мрежницата на детето нема способност да се регенерира, а штетата предизвикана во оваа фаза од развојот трајно ги ограничува можностите на детето. Имено, губењето на видот не значи само медицински дефицит, туку и значајна промена во начинот на кој детето го перцепира светот и учествува во него, пишуваат хрватските медиуми.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Опасна ситуација
Тошковски: „Безбеден град“ го развиваме со единствена цел – зголемување на безбедноста во сообраќајот
Прети држел телефон, а не пиштол: Федералци убија медицински техничар среде протест во Минеаполис
„Правдата што доцни не е правда“: 36. Mарш за ангелите во Кочани
