Шеснаесетмесечно момче смртно настрада во Брчко, Босна и Херцеговина, кога беше прегазено од автомобил управуван од неговиот татко, потврди полицијата во градот.
Трагедијата се случи во вторник, а полицијата извести дека 30-годишен маж со иницијали Ј.Х. случајно го прегазил детето во градината на семејната куќа во населбата Церик.
„Бевме информирани дека таткото го донел детето во тешка состојба и дека вршат реанимација. Веднаш потоа, полициски службеници излегоа на местото на настанот и презедоа сите мерки и дејствија во нивна надлежност за да ги утврдат сите околности“, изјави портпаролката на полицијата на округот Брчко, Џевида Хукичевиќ.
Во среда, агенцијата Фена ги објави сведоштвата на соседите кои рекоа дека таткото го држел детето во раце, а потоа го оставил во градината за да се подготви за работа.
Полицијата добила информации за трагедијата од локалната амбуланта, каде што веднаш било однесено тешко повреденото момче, но немало начин да се спаси.
Соседите рекоа дека го познавале Ј.Х. како вреден татко на пет деца кој се грижи за своето семејство работејќи тешка физичка работа.
ИЗДВОЕНИ
Македонскиот Пулс и во „брзата правда“ потсетува на романскиот Колектив
Годинава минималниот износ на К-15 ќе биде 18.000 денари, а за добрите фирми „само небото е граница“
Во последните 5 години, дури 20 усмртени во семејно насилство
Трговците ќе се дисциплинираат, но цените на земјоделските производи и понатаму ќе бидат високи
